كان لينا جارة
زمان كان لنا جارة كل الجيران في العمارة بيصفوها انها سبئة السمعة انا شخصيا مشفتش منها حاجة تدل علي كده بمفهومي الخاص لكن بمعايير ناس تانية شايفنها كده باباها مىات وهي عمرها 24 سنة وبعدين مامتها بسنتين وعاشت لسن 33 👇🏻 وحيدة مرضيتش تروح عند حد من اهلها كانت موظفة في شركة عادية لكنها كانت بتلبىس شيك بمفهومي ومتحرر اوي بمفهوم كل الطنط اللي في العمارة
من 20 سنة كانت البنت اللي تسهر لحد 12 برا البيت دي صايعة ما بالكم بقا باللي ممكن تخرج وتيجي الفجر
او تسافر مع صحابها يومين تلاتة
كل عىلاقتي بيها ان مامتي ساعة اما تشوفني بسلم عليها تناديني ولما ادخل تهزأني
مع انها كانت لطيفة جدا معايا
في مرة لقينا جرس الباب بيرن فتحت ماما لقيت واحد منعرفوش بيسأل علي بابا
واحنا علي فكرة عيلة رخمة جدا يعني محدش ينفع يقرر انه يجي يزورنا كده
لازم يتصل الاول
وكمان حد منعرفوش فكانت غريبة
بابا قاله اتفضل ودخل
الشاب ده كان حوالي 40 سنة كده وكان عريس لجارتنا دي
بس كان بيسأل عنها الجيران
ايام ما كانت الناس بتتحري حتة النسب دي
صاحب السوبر ماركت قاله اطلع شىقة القبطان هو اقدم حد في العمارة ويعرف امها وابوها وهو اكتر حد يدلك عليها
بمنتهي الهدوء بابا قاله هو انت عرفتها فين
قاله انا عميل في شركتها وبشوفها واعجبت بيها واتكلمنا وحابب ارتبط بيها .. بابا سأله انت متجوز
قاله كنت متجوز وطىلقت مراتي من 3 سنين
وعايز اعرف عنها وعن اهلها معلومات
بابا قاله والدتها احسن واحدة كانت بتعمل قرع عسل بالبشاميل وكانت ودودة بتوزع دايما علي جيرانها واحنا كنا بنحبها خصوصا والدتي .. وباباها كان موظف ملتزم مكنتش بقابله كتير لأن انا بسافر
لكن كنا بنتقابل في صلاة الجمعة وعمره ما اساء لي ولا لأسرتي في حاجة
مع ان باباها ده كان سليط اللسان جدا وانا كنت بكرهه لله في لله بس حقيقي عمره ما ضىايقني ولا بيتنا كله
قاله وتعرف ايه عن البنت
قاله ضحوكة زيادة عن اللازم .. جـ,ـريئة وواخدة الدنيا بصـ,ـدرها وده طبعا بسبب وحدتها .. وحيدة وملهاش حد .. اتيتمت بدري وكانت محتاجة ضهر وسند
لما بتيجي المناسبات بتختفي عشان متحسش بالوحدة
بقيت انا ببص لبابا واستغرب ونفسي اقوله انت مش بتديله معلومات انت بتوجد لها مبررات لتصرفاتها انت بتقنعه بيها مثلا
فرد يعني حضرتك ملكش تحفظ عليها يا قبطان
قاله تحفظي الوحيد انها بتدي ليلي بنتي شرايط الواد ابو رقبة مخـ,ـلعة ده مايكل چاكسون
والواد ابو وشم” جورج مايكل” وانا مانع بنتي تسمعهم
زاد اندهاشي وضيقتي
قاله ولبىسها
فرد بابا قاله ابقا انت غيره
فقاله مش راضية تتحجب
قاله بنتي واختي مش محجبات مع الوقت ربنا هيهديهم ويا بني الدنيا بتتاخد واحدة واحدة
الراجل بدأت علامات الارتياح تظهر عليه وبدأ يبتسم
بص لماما وقالها ايه رأيك يا مدام
قالتله يا بني بعد كلام القبطان انا مليش كلام
ربنا يصلح حالكم وتخليها تبطل شىقاوة العيال دي لحد دلوقتي بترن عليا الجرس وتجري
وقلبوها ضحك وانا ببص ومتنحة
يا ماما ده انتي منعتيني من الجامعة اسبوع بسبب اني ركبت معاها عربيتها لحد محطة الرمل .. وخاصمتي شادي اخويا اسبوعين بسبب انه وقف معاها في مدخل العمارة
ودايما تقولي لي احنا ملناش الا سمعتنا يا ست ليلي هانم وانتي بتزعقي
رحت لاخويا اقوله بقا مشىكلة بابا وماما مع فلانة خلاف على رقبة مايكل جاكسون مثلا ضحك وقالي والله ما انا فاهم حاجة
المهم مشي الراجل ده ورجع بعد يومين يقول لبابا انه قرر يتجوزها لكن خايف من اللي سمعه
بابا قاله انت طىلقت مراتك عشان انت وحش
قاله لا دي ظروف
فرد بابا وقاله شفت كلنا الظروف بتتحكم في حياتنا ولو اتغيرت الظروف اكيد هنتحسن
واتجوزوا
بس انا الموضوع منستهوش
وفي قعدة صفا مع بابا كده سألته هو ليه قال كده
فسألني هو انا كدبت
قولتله لا
قالي انا قولتله اللي هو جي يسمعه عشان يرتاح
عشان ارحمه من الحيرة والخوف
